"Lans"ın hücumçusu Rayan Fofana karyerasını İngiltərə Premyer Liqasında davam etdirə bilər.

Matc.az xəbər verir ki, bu barədə "Sports Boom" məlumat yayıb.

"Arsenal" və "Çelsi" fransalı forvardı transfer etmək istəyir. Liqa 1 təmsilçisi 20 yaşlı futbolçu üçün 35 milyon avro tələb edir.

Qeyd edək ki, Rayan Fofana "Lans"ın yetirməsidir. 20 yaşlı futbolçu bu mövsüm komandanın heyətində keçirdiyi 22 oyunda 6 qol vurub, 1 qol ötürməsi edib.