Kolumbiya və Konqo milli komandaları arasında keçirilən görüşdə afrikalı qapıçı Lionel Mpasi-Nzau görüşün əvvəlində inanılmaz oyunu ilə fərqlənərək adını dünya çempionatı tarixinə yazdırıb.

Matc.az xəbər verir ki, görüşün ilk 20 dəqiqəsində o, eyni anda beş seyv edib. 21-ci əsrin dünya çempionatlarında heç bir qapıçı matçın startında buna nail ola bilməyib.

Sonuncu dəfə Yamayka millisindən Uorren Barrett dünya çempionatı matçının start mərhələsində komandasını bu qədər xilas etmişdi. O, 1998-cı il dünya çempionatında Argentinaya qarşı ilk 20 dəqiqədə beş seyv etməyi bacarmışdı.

Ümumilikdə, bu görüşdə Lionel Mpasi-Nzau komandasını hədəfə gələn zərbələrdən sonra 8 dəfə qoldan xilas edib. Nəticədə Konqo DR 0:1 hesabı ilə uduzsa da, hələ də pley-offa çıxmaq şansını qoruyur.

Afrikalılar son turda Özbəkistanla qarşılaşacaqlar. Oyun iyunun 28-də baş tutacaq.