"Oyunda nələrin alınmadığını saymaq? Axı mənim əllərimdə cəmi 10 barmağım var". Matç.az saytı xəbər verir ki, bunu İngiltərənin "Liverpul" klubunun baş məşqçisi Yurgen Klopp deyib.

çempionlar Liqasında ardıcıl 3-cü səfər məğlubiyyətinə üzülən "mersisaydlılar"ın çalışdırıcısı bu antirekordun qeydə alındığı "Srvena Zvezda" ilə görüşü dəyərləndirib. Alman mütəxəssis 0:2 hesablı yenilgidən üzüldüyünü gizlətməyib: "İlk təhlükəli epizodumuzu Starric yaratdı. 100 faizlik imkan idi. Belə oyunlarda istənilən qol matçda dönüşə səbəb olur. Stadiondakı ab-hava, səs-küy bizim üçün problem deyildi. Amma ikinci qoldan sonra bunun hiss olunması mümkündü. Rəqib öz ehtiraslı, istəkli oyunu ilə qələbəni haqq edirdi. Biz isə bu matçda yaşananların təkrarlanmamasına əmin olmalıyıq".