AVRO-2020-nin seçmə mərhələsinin səbətləri müəyyənləşib. Matç.az saytı xəbər verir ki, Millətlər Liqasının əsas raundu başa çatdıqdan sonra UEFA qitənin 55 komandasının 7 hissəyə bölündüyünü açıqlayıb.

Dekabrın 2-də İrlandiyanın paytaxtı Dublində keçiriləcək püşkatmanın bu səbətrləri ilk dəfə Millətlər Liqasının nəticələrinə görə müəyyənləşib. Avropanın 55 yığmasının bölündüyü 7 səbətdən ikisi – Millətlər Liqası və 1-ci səbət əslində eyni "onluq" sayılır. Sadəcə Millətlər Liqasının "Dördlər finalı"na yüksələnlərin 5 komandalı qrupa düşməsi üçün onlar ilk səbətin digər iştirakçılarından fərqləndirilib.

Digər səbətlərin dördündə 10, birində 5 komanda var. Millətlər Liqasında uğursuz çıxış edən Azərbaycan yığması püşkatmada 5-ci səbətdə qərarlaşacaq.

Qeyd edək ki, Avropa çempionatının seçmə mərhələsində 5 qrupda altı, 5 qrupda beş komanda mübarizə aparacaq. Hər qrupdan ilk iki yeri tutan yığmalar final mərhələsinə yüksələcək.

AVRO-2020-nin səbətləri

ML səbəti:

Portuqaliya, İngiltərə, İsveçrə, Hollandiya

1-ci səbət:

Belçika, Fransa, İtaliya, İspaniya, Xorvatiya, Polşa

2-ci səbət:

Almaniya, İslandiya, Avstriya, Danimarka, Bosniya və Herseqovina, Rusiya, Ukrayna, Uels, İsveç, çexiya

3-cü səbət:

Finlandiya, İrlandiya, Şimali İrlandiya, Serbiya, Türkiyə, Slovakiya, Norveç, Şotlandiya, Bolqarıstan, İsrail

4-cü səbət:

Kipr, Estoniya, Litva, Sloveniya, Albaniya, Yunanıstan, Monteneqro, Gürcüstan, Macarıstan, Rumıniya

5-ci səbət:

Azərbaycan, Lüksemburq, Moldova, Ermənistan, Belarus, Cəbəllütariq, Qazaxıstan, Kosovo, Makedoniya, Farer adaları

6-cı səbət:

San-Marino, Andorra, Latviya, Lixtenşteyn, Malta