29 Fevral 2020, 18:22
MPL

"Keşlə"nin baş məşqçisi Tərlan Əhmədov Azərbaycan Premyer Liqasının 19-cu turunda "Sumqayıt"a qarşı keçirdikləri oyunu şərh edib. Paytaxt klubunun çalışdırıcısı 2:2 hesabıyla başa çatan oyundan sonra təşkil olunan mətbuat konfransında bunları söyləyib

"Keşlə"nin baş məşqçisi Tərlan Əhmədov Azərbaycan Premyer Liqasının 19-cu turunda "Sumqayıt"a qarşı keçirdikləri oyunu şərh edib.
 
Matc.az xəbər verir ki, paytaxt klubunun çalışdırıcısı 2:2 hesabıyla başa çatan oyundan sonra təşkil olunan mətbuat konfransında bunları söyləyib:
 
"Oyunun gərgin və yaxşı olacağını hardasa təxmin etmişdim. Maraqlı qolları olan və mübarizəli futbol gördük. Düşünürəm ki, yaxşı mübarizə apardıq. Baxmayaraq ki, hesabda geri düşürdük, dönüş edə bilirdik. Qalib də gələ bilərdik, məğlub da ola bilərdik. Nəticə ədalətli oldu. Məğlub durumda olanda futbolçularımın geridönüş etməsi sevindirdi. Qarşıda çətin oyunlar var. Sona doğru qısa addımlarla və səbrlə işimizi davam etdiririk. İnşallah, bəhrəsini də görərik. Pərviz Azadov sonradan meydana girsə də, yaxşı oynadı. ötən oyunda qol da vurmuşdu. Turalda bir az yorğunluq hiss olunur. Kamaranın yoxluğu bizə çətinlik yaradacaq. Sabah son vəziyyətini biləcəyik. Əlimizdə olan futbolçulardan istifadə etməyə çalışacağıq".

XƏBƏRİ PAYLAŞ
  • gplus
  • pinterest