10 Fevral 2023, 21:17
TOP OYUNLARI

Kişi voleybolçular arasında Azərbaycan Yüksək Liqasında ikinci dövrənin növbəti oyunu keçirilib. Matc.az xəbər verir ki, bu gün Voleybol Mərkəzində 6-cı tur çərçivəsində təşkil olunan görüşdə MOİK və "Neftçi"lə üz-üzə gəlib.
 
Matç "Neftçi"nin qələbəsi ilə başa çatıb. İlk hissəni 25:18 hesabı ilə aktivinə yazdıran Pərviz Səmədovun komandası sonrakı setlərdə də qalib gəlib - 25:23, 25:18. 
 
Bu gün keçirilməli olan turun və dövrənin son oyunu - "Xarı bülbül"lə "Murov"un görüşü təxirə salınıb. Buna səbəb hakimlər kollegiyasının üzvlərinin AVF-nin yarışların keçirilməsi üzrə Nizam-intizam komisiyyasına ünvanladığı müraciət olub. Müraciətdə 5-ci turda keçirilən "Xarı bülbül" - "Neftçi" oyununda nizam-intizam qaydalarının pozulduğu bildirilib və bununla bağlı müvafiq qərar qəbul olunması xahiş olunub.
 
Həmin müraciətə  fevralın 13-də baxılacaq və AVF tərəfindən müvafiq qərar qəbul olunacaq.
 
Hazırda "Murov" 14 xalla turnir cədvəlində liderliyini davam etdirir. 9 xala malik "Xarı bülbül" ikinci, 9 xalla "Neftçi" üçüncü yerdə qərarlaşıb. MOİK isə 1 xalla sonuncudur.
 
Yüksək Liqa
6-cı tur
10 fevral
 
MOİK - Neftçi 0:3 (18:25, 23:25, 18:25)

XƏBƏRİ PAYLAŞ
  • gplus
  • pinterest