18 May 2023, 11:29
ÇEMPİONLAR LİQASI

"Real"ın baş məşqçisi Karlo Ançelotti çempionlar Liqasının yarımfinalında "Mançester Siti"yə qarşı keçirdikləri cavab oyununu (0:4) şərh edib. Matc.az xəbər verir ki, o, "şəhərlilər"in finala layiq olduğunu bildirib:
 
"Səhvlərdən nəticə çıxarmalı, növbəti mövsüm haqda düşünməli və güclənməliyik. Keçən il onları məğlub etdik və finala vəsiqə qazandıq. Bu il növbə onlarda idi. "Mançester Siti" daha yaxşı oynadı, finala layiq idilər. Oyunun əvvəlindən fəal pressinq edirdilər. Elə bu səbəbdən, istədiyimiz oyunu qurmaq bizim üçün çətin oldu.
 
İndi dərin təhlil aparmağın heç bir mənası yoxdur. Acı məğlubiyyət yaşadıq. Sanki bizi təhqir etdilər. Bu, futboldur. Belə nəticələr qeydə alına bilər. çempionlar Liqasının yarımfinalında rəqib səndən daha yaxşı mübarizə aparırsa, deməli, finala həsrət qalırsan".
 
İspaniya klubu iki oyunun nəticəsinə əsasən "şəhərlilər"ə uduzub və turnirdə mübarizəni dayandırıb.
 
MS həlledici qarşılaşmada İtaliya "İnter"i ilə qarşılaşacaq.
 
çempionlar Liqasının final matçı iyunun 10-da, İstanbuldakı Atatürk Olimpiya Stadionunda keçiriləcək.

XƏBƏRİ PAYLAŞ
  • gplus
  • pinterest