"Mançester Siti"nin baş məşqçisi Pep Qvardiola "Vulverhempton"la oyundakı məğlubiyyəti (2:1) şərh edib.

Matc.az xəbər verir ki, çalışdırıcı bu barədə yerli mətbuata açıqlama verib: "Vulverhempton"u təbrik edirəm. Onlar qələbəyə layiq idilər. Bizim epizodlar oldu, lakin bizim də çətinliklərimiz oldu və rəqiblər çox yaxşı oynadılar. Biz də yaxşı oynadıq. Lakin bəzən rəqiblər sadəcə daha sürətli idi və biz bunu qəbul etməliyik".

Qeyd edək ki, hazırda "Mançester Siti" 18 xalla Premyer Liqanın turnir cədvəlində birinci yerdədir.