22 Aprel 2024, 12:52
FUTBOL
“Bayer” cari mövsüm ilk məğlubiyyətdən son anda qaçıb. Matc.az xəbər verir ki, Leverkuzen təmsilçisi Bundesliqanın XXX turunda Dortmund “Borussiya”sı ilə heç-heçə edib - 1:1.
“Bayer” yalnız görüşə əlavə olunmuş 7-ci dəqiqədə bərabərlik topunu vura bilib. Bununla Xabi Alonsonun yetirmələrinin məğlubiyyətsizlik seriyası 45 oyuna yüksəlib. Komanda 2023-24 mövsümündə hələ yenilgi üzü görməyib. “Bayer” bu qarşılaşmalardan 38-də qələbə qazanıb, 7 dəfə heç-heçə edib.
Qeyd edək ki, Bundesliqada çempionluğu rəsmiləşdirən “Bayer” Almaniya Kubokunun finalında, Avropa Liqasının isə yarımfinalında çıxış edəcək.