Paris-2024 Yay Olimpiya Oyunlarında qadın futbol turniri başa çatıb.

Matc.az xəbər verir ki, final oyununda Braziliya və ABŞ komandaları üz-üzə gəlib.

Komandalar Parisdəki “Park des Princes” stadionunda qarşılaşıblar. Oyun amerikalıların minimal hesablı qələbəsi ilə başa çatıb. Görüşün yeganə qolunu matçın 57-ci dəqiqəsində ABŞ millisinin hücumçusu Mallori Suonson vurub.

Beləliklə, 2024-cü il Olimpiya Oyunlarında ABŞ komandası qızıl, Braziliya isə gümüş medal qazanıb.