Azərbaycan Premyer Liqasının III turunun “Şamaxı” – “Qarabağ” oyunu təxirə salınıb. Matc.az Peşəkar Futbol Liqasının rəsmi saytına istinadən xəbər verir ki, Çempionlar Liqasının pley-off mərhələsində çıxış edəcək “Qarabağ” “Şamaxı” ilə səfər görüşünün təxirə salınması üçün müraciət edib.

“Qarabağ”ın müraciətini, “Şamaxı”nın razılığını, Azərbaycan futbolunun ümumi mənafeyini nəzərə alan PFL isə 2024-25 mövsümünün Əsasnaməsinin 6-cı maddəsinin 1-ci bəndini (pley-off mərhələsinə yüksələn komandanın 1 oyunun təxirə salınması ilə bağlı müraciətini) rəhbər tutaraq, qarşılaşmanın təxirə salınmasını qərara alıb.

Matçın nə vaxt keçiriləcəyi hələ bilinmir. Klubların əvəzedici heyətlərinin oyunu ilə bağlı isə dəyişiklik yoxdu.