Bu gün 3x3 basketbol üzrə Dünya Qadın Seriyasının Bakı mərhələsinə start veriləcək.

Matc.az xəbər verir ki, C qrupunda mübarizə aparacaq Azərbaycan millisi iki oyun keçirəcək.

Yığmamız ilk görüşünü Almaniyanın “Düsseldorf ZOOS” kollektivinə qarşı keçirəcək. Qarşılaşmaya saat 16:50-də start veriləcək.

Ratomir Deliçin baş məşqçisi olduğu komanda ikinci oyununda təsnifat mərhələsinin qalibi ilə qarşılaşacaq. Bu görüş isə saat 18:30-a təyin edilib.

Dörd qrupun hər birində ilk iki yeri tutanlar 1/4 finala yüksələcək.

Qeyd edək ki, Bakı mərhələsi avqustun 18-də başa çatacaq.