Albaniya çempionatında XVII tur davam edir. Matc.az xəbər verir ki, Azərbaycan millisinin müdafiəçi Zamiq Əliyevin şərəfini qoruduğu “Eqnatiya” “Skenderbeu”nu qəbul edib.

Görüş “Eqnatia”nın 1:0 hesablı qələbəsi ilə yekunlaşıb. Start heyətində meydana çıxan həmyerlimiz sona qədər əvəzedilmədən oynayıb.

Bu qalibiyyət sayəsində xallarının sayını 30-a çatdıran “Eqnatiya” turnir cədvəlinə başçılıq edir.