"Barselona" "Yuventus"un mərkəz müdafiəçisi Ronald Arauxo üçün ilk 35 milyon avroluq təklifi rədd edib.

Matc.az xəbər verir ki, bu barədə "Marca" nəşri məlumat yayıb.

Bildirilir ki, İtaliya nəhəngi Kataloniya klubu üçün təklifini 50 milyon avroya çatdırmağa hazırdır, lakin  "Barselona" uruqvaylı futbolçunun potensial transferi üçün 70-80 milyon avro tələb edir.

Qeyd edək ki, Arauxo ilə bağlı vəziyyəti Londonun "Arsenal" komandasının da izlədiyi vurğulanır. "Barselona" düşərgəsi müdafiəçinin klubu tərk etmək istədiyini başa düşür, baxmayaraq ki, nə özü, nə də agenti bunu birbaşa açıqlamayıb.