"Əl-Nəsr"in mətbuat xidməti X sosial şəbəkəsində 39 yaşlı hücumçu Kriştianu Ronaldonu Səudiyyə komandasının heyətində ümuilikdə 100 qolun vurulması və ötürülməsində birbaşa iştirakı münasibətilə təbrik edib.

Matc.az xəbər verir ki, bu gün portuqaliyalı futbolçu Pro Liqanın 16-cı turunun "Əl-Xəlidc"lə oyunda (1:3) dubla imza atıb. Ümumilikdə Ronaldo "Əl-Nəsr"in heyətində 83 qol vurub və 18 məhsuldar ötürmə edib.

Qeyd edək ki, Ronaldo 2023-cü ilin yanvarından Səudiyyə klubunda çıxış edir. Futbolçunun klubla hazırkı müqaviləsi 2025-ci ilin yayına kimi nəzərdə tutulub.