"Qalatasaray" "Napoli"dən icarəyə götürdüyü Viktor Osimheni uzun müddət komandada saxlamaq istəyir və nigeriyalı hücumçu üçün İtaliya klubuna ilk rəsmi təklifini göndərib.

Matc.az xəbər verir ki, bu barədə məlumatı "Corriere dello Sport" paylaşıb.

Bildirilir ki, "Qalatasaray" Osimhen üçün "Napoli"yə 65 milyon avro təklif edib. Neapol klubunun prezidenti Aurelio De Laurentiis bu təklifi qəbul etməyib. Klub rəhbəri 26 yaşlı forvardı daha yüksək qiymətə satmaq niyyətindədir.

Qeyd edək ki, "Qalatasaray" Viktor Osimheni mövsümün əvvəlində icarəyə götürüb. Nigeriya millisinin üzvü "sarı-qırmızılar"ın heyətində meydana çıxdığı 30 rəsmi matçda 26 qol və 5 məhsuldar ötürmə ilə yadda qalıb.

 

 

XƏBƏRİ PAYLAŞ
  • gplus
  • pinterest