İtaliya A seriyasında 2018/19 mövsümünə yekun vurulub. Matc.az saytının məlumatına görə, son oyun günündə 8 qarşılaşma keçirilib.

çempionluğu təmin etmiş "Yuventus" səfərdə "Sampdoriya"ya uduzub – 0:2.

Əsas mübarizə çempionlar Liqasına vəsiqə uğrunda gedib. "Napoli" ikinci pilləni çoxdan təmin etdiyindən 3 və 4-cü yerlərin sahiblərinin adına aydınlıq gəlməsi son tura qalmışdı.

Milan şəhərinin iki komandası – "İnter" və "Milan"la yanaşı "Atalanta" da vəsiqəyə iddialı idi.

Qiyabi mübarizənin qalibləri isə "İnter" və "Atalanta" oldu.

Mövsümün yekunlarına görə, çempion "Yuventus"la yanaşı, "Napoli", "Atalanta" və "İnter" İtaliyanı UEFA çempionlar Liqasında təmsil etmək hüququ qazanıb.

"Milan", "Roma", eləcə də İtaliya kubokunun qalibi olan "Latsio" Avropa Liqasında mübarizə aparacaq.

Son üç pillədə qərarlaşan "Empoli", "Frozinone" və "Kyevo" isə elita ilə vidalaşmaq məcburiyyətində qalıb.

İtaliya A Seriyası

XXXVIII tur

26 may

"Torino" – "Latsio" – 3:1

Falke, 51. Lukiç, 53. De Silvestri, 80 – İmmobile, 66.

"Sampdoriya" – "Yuventus" – 2:0

Defrel, 84. Kaprari, 90.

"Roma" – "Parma" – 2:1

Pelleqrini, 35. Perotti, 89 – Jervinyo, 86.

"Atalanta" – "Sassuolo" – 3:1

Sapata, 35. P.Qomes, 53. Paşaliç, 65 – Berardi, 19.

"Kalyari" – "Udineze" – 1:2

Pavoletti, 17 – Halfredsson, 59. De Mayo 69.

"Fiorentina" – "Cenoa" – 0:0

"İnter" – "Empoli" – 2:1

Balde, 51. Naynqqolan, 81 – Traore, 76.

SPAL – "Milan" – 2:3

Vikari, 28. Fares, 53 – H.çalhanoğlu, 18. Kessye, 23; 66 (pen.)