Türkiyə millisi kişi basketbolçular arasında Avropa çempionatının finalına vəsiqə qazanıb.

Matc.az xəbər verir ki, yarımfinalda Türkiyə Yunanıstanla üz-üzə gəlib.

Qarşılaşma "ay-ulduzlular"ın 94:68 hesablı qələbəsi ilə yekunlaşıb.

Türkiyə finalda Finlandiyanı 98:86 hesabı ilə məğlub edən Almaniya yığması ilə qarşılaşacaq.

Qeyd edək ki, Avropa çempionunu müəyyənləşdirəcək final və üçüncülük görüşləri sentyabrın 14-də baş tutacaq.