"Milan" "Mançester Siti" və Xorvatiya millisinin yarımmüdafiəçisi Mateo Kovaçiçin transferində əsas namizəddir.

Matc.az xəbər verir ki, bu barədə "CaughtOffside" məlumat yayıb.

Bildirilir ki, oyunçu Pep Qvardiolanın start heyətindəki yerini itirdiyi üçün yaxın gələcəkdə ingilis klubundan ayrıla bilər. Kovaçiç və "Mançester Siti" arasında müqavilənin uzadılması ilə bağlı danışıqlar dayandırılıb və bu, potensial namizədlərə yol açıb.

"Milan" 31 yaşlı yarımmüdafiəçini transfer etmək üçün ən yaxşı şansa malikdir, baxmayaraq ki, "Aston Villa" və "Vest Hem" də maraq göstərir.

Qeyd edək ki, Kovaçiç bu mövsüm "Mançester Siti"də bütün yarışlarda cəmi 3 oyunda iştirak edib və 37 dəqiqə oynayıb.