"Qalatasaray"ın aparıcı oyunçularından olan Leroy Sane sıradan çıxıb.

Matc.az xəbər verir ki, almaniyalı vinger UEFA Çempionlar Liqası Liqa mərhələsinin VIII turunun "Mançester Siti" ilə oyununda topuğundan zədə alıb.

Sane Super Liqanın XX turunun "Kayserispor"la matçında iştirak etməyəcək. Qarşılaşma 1 fevral tarixində baş tutacaq.

Qeyd edək ki, Leroy Sane mövsümün əvvəlindən "Qalatasaray"da çıxış edir. 30 yaşlı futbolçu "sarı-qırmızılar"ın heyətində keçirdiyi 28 oyunda 6 qol vurub, 7 qol ötürməsi edib.