"Mançester Siti"yə Premyer Liqanın maliyyə qaydalarını pozmaqla bağlı 115 ittiham üzrə hökmün çıxarılması potensial nəticələrə görə təxirə salınıb və bu, Premyer Liqaya 2,5 milyard funt-sterlinqə (2,8 milyard avro) başa gələ bilər.

"Mançester Siti" hesab edir ki, Premyer Liqanın maliyyə qaydalarını pozmaqla bağlı 115 ittiham üzrə hökmün çıxarılması potensial nəticələrə görə təxirə salınıb və bu, Premyer Liqaya 2,5 milyard funt-sterlinqə (2,8 milyard avro) başa gələ bilər.

Matc.az xəbər verir ki, bu barədə "The Touchline" nəşri məlumat yayıb.

Bildirilir ki, əgər "Siti" Premyer Liqadan kənarlaşdırılarsa, hücumçu Erlinq Haland kimi ulduz oyunçular və "Mançester Siti"nin meneceri Pep Qvardiola yarışı tərk edəcəklər. Televiziya kanalları Premyer Liqa ilə müqavilələrini ləğv etmək hüququna malik olacaqlar ki, bu da 2,5 milyard-funt sterlinq itki ilə nəticələnəcək.

Qeyd edək ki, Premyer Liqa rəsmi olaraq "Mançester Siti"ni liqanın maliyyə qaydalarını pozmaqda 2023-cü ilin fevral ayında ittiham edib. Premyer Liqanın ittiham sənədində 115 bənd yer alıb.