FİFA 2026-cı il dünya çempionatında oyunçuların meydana ənənəvi girişi formasından imtina etməyi planlaşdırır.

Matc.az xəbər verir ki, bu barədə məlumatı jurnalist Ben Yakobs paylaşıb.

Bildirilir ki, FİFA nümayəndələri hazırda meydana ənənəvi giriş əvəzinə, yeni tərzi sınaqdan keçirirlər. FİFA klublararası dünya çempionatının final mərhələlərində sınaqdan keçirilmiş tək oyunçu giriş sistemindən istifadə etmək istəmir. Həmin sistemdə stadion diktoru meydana daxil olan hər bir oyunçunu fərdi olaraq anons edir.

FİFA bütün oyunçuları fərdi olaraq qeyd etmək istəyir, lakin bunu NBA-da olduğu kimi deyil.

Xatırladaq ki, DÇ-2026 ABŞ, Kanada və Meksikada baş tutacaq. Turnir 11 iyun - 19 iyul tarixləri arasında keçiriləcək.