Abdullah Zubir "Qarabağ"la yollarını ayırıb.

Matc.az xəbər verir ki, bu barədə Ağdam klubunun mətbuat xidməti məlumat yayıb.

Bildirilir ki, 34 yaşlı fransalı yarımmüdafiəçi ilə başa çatan müqavilə yenilənməyib. Təcrübəli oyunçu 8 ildən sonra klubu tərk edib.

Qeyd edək ki, Mərakeş əsilli futbolçu 2018-ci ildə Fransanın "Lans" klubundan "Qarabağ"a transfer olunmuşdu. O, Ağdam təmsilçisinin heyətində meydana çıxdığı 369 rəsmi matçda 79 qol və 96 məhsuldar ötürmə ilə yadda qalıb.