Bakının "Neftçi" klubu daha bir itki ilə üzləşib. Matç.az saytı xəbər verir ki, iki müdafiəçisi – Ruslan Abışov və Məhəmməd Mirzəbəyovun xidmətindən məhrum olan "ağ-qaralar" daha bir arxa xətt oyunçusu Kiril Petrovu da itirib.

Ukraynalı müdafiəçi Topaz Premyer Liqasının "Zirə" ilə görüşündə zədə səbəbindən əvəzlənib. İlk yarıda xəsarət alan, lakin oyunu davam etdirən Petrov 65-ci dəqiqədə yenidən zədələndiyi üçün meydanı tərk edib. Onu Anron Krivotstyuk əvəzləyib.

Qeyd edək ki, Petrov cari mövsümün gedişində ikinci dəfə sıradan çıxıb. Bir müddət kənarda qalan müdafiəçi heyətə yeni dönmüşdü.