“Real” zədələnən Dani Karvahalın yerinə heç kimi transfer etməyəcək. Matc.az xəbər verir ki, “kral klubu” təcrübəli müdafiəçinin yoxluğunda yeni oyunçu cəlb etməyi lazım bilməyib.

32 yaşlı oyunçu çarpaz bağından ağır zədə alıb və ən azı mövsümün sonuna qədər, hətta daha uzun müddət futbol oynamayacaq.

“Real”ın baş məşqçisi Karlo Ançelotti bu mövqedə daimi olaraq Lukas Vaskesdən istifadə edəcəyini bildirib. Vaskesin ehtiyat oyunçusu isə Eder Militao olacaq.