"Arsenal" "Çelsi"nin qapıçısı Kepa Arrizabalaqa ilə müqavilə imzaladığını açıqlayıb.

Matc.az xəbər verir ki, bu barədə məlumatı klubun mətbuat xidməti paylaşıb.

Daha əvvəl mətbuatda "Arsenal"ın 30 yaşlı qolkiper üçün "Çelsi"yə 5 milyon funt sterlinq (5,85 milyon avro) ödəyəcəyi barədə xəbərlər yayılmışdı.

Qeyd edək ki, Arrizabalaqa 2024/2025 mövsümünü icarə əsasında "Bornmut"da keçirib. Bu müddət ərzində o, bütün yarışlarda 35 oyun keçirib, 9 görüşdə qapısını toxunulmaz saxlayıb. "Transfermarkt" portalında futbolçunun dəyəri 10 milyon avrodur.