İspaniya millisinin sabiq müdafiəçisi Sezar Aspilikueta "Sevilya"nın futbolçusu olub.

Matc.az xəbər verir ki, bu barədə İspaniya klubunun mətbuat xidməti məlumat yayıb.

Bildirilir ki, müqavilə bir il müddətinə - 2026-cı ilin yayına qədərdir. Müqavilə daha bir il müddətinə uzadılması imkanı var. Aspilikueta azad agent kimi "Sevilya"ya keçib. Onun Madrid "Atletiko"su ilə müqaviləsi bu ilin iyunun sonunda başa çatıb.

Qeyd edək ki, 36 yaşlı müdafiəçi karyerası ərzində "Çelsi", "Osasuna" və "Marsel"də də çıxış edib. İngiltərə komandasının tərkibində Çempionlar Liqası və klublararası dünya çempionatının qalibi olub. Aspilikueta İspaniya millisində 44 oyun keçirib.

Ötən mövsüm müdafiəçi "Atletiko"nun heyətində bütün turnirlərdə 20 oyun keçirib və 1 qol vurub.