"Atamın azərbaycanlı olmasına hörmətlə yanaşıram, amma mən Rusiyada anadan olmuşam. Mənə bu məsələ ilə bağlı heç kim müraciət etməyib".

"Dinamo"nun azərbaycanlı futbolçusu Ülvi Babayev milli komanda seçimini edib.

Matc.az xəbər verir ki, 21 yaşlı vinger Rusiya yığmasında oynayacaq. Gənc oyunçu "championat.com"a açıqlamasında bu barədə məlumat verib:

"Atamın azərbaycanlı olmasına hörmətlə yanaşıram, amma mən Rusiyada anadan olmuşam. Mənə bu məsələ ilə bağlı heç kim müraciət etməyib. Mən də bu istiqamətdə düşünməmişəm. Mənim öz hədəflərim və istəklərim var. Özümü yalnız Rusiya milli komandasında görürəm".

Qeyd edək ki, Ülvi Babayev Rusiyanın U-21 millisində çıxış edir.