"Fənərbaxça"nın baş məşqçisi Domeniko Tedesko Türkiyə Superliqasında ardıcıl 19 oyununda məğlub olmayıb.

Matc.az "OptaCan"a istinadən xəbər verir ki, o, 1965-ci il qeydə alınan rekordu təkrarlayıb.

İstanbul klubu Superliqanın 22-ci turunda səfərdə "Trabzonspor"u 2:3 hesabı ilə məğlub edib. Tedeskonun rəhbərliyi altında komanda 19 çempionat oyununda 13 dəfə qələbə qazanıb və 6 heç-heçə edib. Tedesko bu nəticə ilə Oskar Holdun 1964-cü ilin oktyabrından 1965-ci ilin fevralına qədər olan, 19 oyunda məğlubiyyətsizlik seriyasını təkrarlayıb.

Qeyd edək ki, "Fənərbaxça" hazırda 22 oyundan sonra 52 xalla Türkiyə çempionatında ikinci yerdədir. Turnir cədvəlinə 55 xalla "Qalatasaray" liderlik edir.