"Tottenhem" baş məşqçi İqor Tudorun yerinə başqa bir mütəxəssis tapmaq üçün fəal şəkildə çalışır. Xorvatiyalı mütəxəssisin gələcəyi ilə bağlı qərar martın 15-də, Premyer Liqanın 30-cu turunda "Liverpul"la keçiriləcək oyundan sonra veriləcək.

Matc.az xəbər verir ki, bu barədə məlumatı "The Athletic" paylaşıb.

Bildirilir ki, hazırda "Tottenhem"ə müvəqqəti məşqçi təyin edib-etməyəcəyi və ya yeni menecerə uzunmüddətli müqavilə təklif edib-etməyəcəyi məlum deyil, lakin hər iki variant da nəzərdən keçirilir.

Qeyd edək ki, Tudor fevralın 14-dən bəri "Tottenhem"in baş məşqçisidir. Onun ingilis klubu ilə müqaviləsi cari mövsümün sonuna qədərdir.