Bu gün futzal üzrə Yüksək Liqada XIV turun oyunları keçirilir. Matç.az Azərbaycan Futzal Federasiyasının saytına istinadən xəbər verir ki, tur təkcə "Araz"ın cari mövsümdə ilk məğlubiyyəti ilə barışması, eyni zamanda EKOL-un "qış çempionluğu"yla deyil, həm də cari mövsümdə Yüksək Liqada 500-cü qolla əlamətdar olub.

Bu tura qədər 494 qol vurulmuşdu. Günün ilk oyununda tərəflər ümumilikdə 5 qol vurduğundan yubiley qolu "Yasamal" FK – "Neftçi" İK duelində hesabın açıldığı qol oldu. Nominal qonaqların iranlı legioneri Hamed Abdollahinin 8-ci dəqiqədə vurduğu top cari mövsümdə 500-cü qol oldu.