14 Dekabr 2020, 23:58
DÖYÜŞ NÖVLƏRİ

Serbiyanın paytaxtı Belqradda güləş üzrə Fərdi Dünya Kuboku davam edir.

Serbiyanın paytaxtı Belqradda güləş üzrə Fərdi Dünya Kuboku davam edir.
 
Matc.az xəbər verir ki, ikinci yarış günündə 60, 63, 82, 97 və 130 kq-da çıxış edən yunan-Roma güləşçiləri mübarizəyə qoşulub.
 
Böyüklər arasında ilk yarışına çıxan Nihat Məmmədli dünya ikincisi və Avropa çempionu olmuş Moldova güləşçisinə uduzub.
 
Taleh Məmmədov ilk görüşdə Ukrayna güləşçisinə rahat qalib gəlib. Ancaq növbəti mərhələdə rusiyalı güləşçi keçilməz olub. Rəqib finala yüksəldiyi üçün həmyerlimiz dekabrın 14-də təsəlliverici görüşə çıxıb. Polşa idmançısına vaxtından əvvəl qalib gələn təcrübəli güləşçimiz bürünc medal uğrunda görüşə vəsiqə qazanıb. Ancaq qırğız güləşçiylə gərgin keçən mübarizədən məğlub ayrılan Taleh fəxri kürsüdən kənarda qalıb.
Beka Kandelaki debütdə son Avropa çempionuyla qarşılaşsa da, Rumıniya idmançısı üzərində əzmkar qələbə qazanıb. 1/4 finalda Almaniya təmsilçisinə cəmi 1 dəqiqə 14 saniyə ərzində "tuşe" ilə qalib gələn millimizin üzvü yarımfinala yüksəlib. Ancaq finalın bir addımlığında Türkiyə idmançısıyla bacarmayan Beka dekabrın 14-də bürünc medal üçün mübarizə aparıb. Polşa güləşçisinə vaxtından əvvəl qalib gələn Kandelaki 3-cü yeri tutub.
 
Beləliklə, millimiz Fərdi Dünya Kubokunu 1 gümüş və 2 bürünc medalla başa vurub.
 
60 kq
1/8 final: Nihat Məmmədli – Viktor çiobanu (MDA) 0:7
 
63 kq
1/8 final: Taleh Məmmədov – Aleksey Masik (UKR) 9:1
1/4 final: Taleh Məmmədov - Jambolat Lokyayev (RUS) 0:2
Təsəlliverici görüş: Taleh Məmmədov - Mateuş Şevçuk (POL) 10:2
Bürünc medal görüşü: Taleh Məmmədov - Kali Süleymanov (KGZ) 6:7
 
130 kq
1/8 final: Beka Kandelaki – Alin Kiurariu (ROU) 3:1
1/4 final: Beka Kandelaki - Eduard Popp (GER) 4:0 (tuşe)
1/2 final: Beka Kandelaki - Osman Yıldırım (TUR) 1:9
Bürünc medal görüşü: Beka Kandelaki - Rafal Krayevski (POL) 9:0 

XƏBƏRİ PAYLAŞ
  • gplus
  • pinterest