Almaniya II Bundesliqasında XVIII tur davam edir. Matç.az saytının məlumatına görə, milli komandamızın üzvü Dmitri Nazarovun çıxış etdiyi "Erzgebirge" də növbəti matçına çıxıb.

Aue təmsilçisi doğma meydanda "Yunion Berlin"i qəbul edib. Görüş meydan sahiblərinin 3:0 hesablı qələbəsi ilə yekunlaşıb. Hər üç qolu Tesroet vurub.

Qarşılaşmaya ehtiyat oyunçular skamyasında başlayan Nazarov bütün oyunu kənardan izləyib.

Qeyd edək ki, 18 oyundan sonra aktivində 22 xal olan "Erzgebirge" turnir cədvəlinin 12-ci pilləsində qərarlaşıb.