İtaliyanın "İnter" klubu Slovakiya millisinin futbolçusu Milan Şkrinyarla müqaviləni uzadır. Matc.az xəbər verir ki, 23 yaşlı mərkəz müdafiəçisi ilə yeni anlaşmanın detalları razılaşdırılıb.

Futbolçu 2023-cü ilin yayına kimi Milan təmsilçisini formasını geyinəcək. Onun maaşı da artırılıb.

Şkrinyar ildə 3 milyon avro qazanacaq. "Barselona" və "Mançester Siti"nin hədəfində olan slovakiyalı klubunun dəyişməməyə üstünlük verib.