12 Fevral 2019, 13:32
FUTBOL
Bu gün AFFA İntizam Komitəsinin (İK) növbəti iclası keçirilib. Matc.az saytının məlumatına görə, toplantıda aşağı liqalardakı oyunlar zamanı baş vermiş neqativ hallara hüquqi qiymət verilib.
Bu baxımdan Region Liqasının "Uğur" (Sumqayıt) – "Baku" FC görüşünü fərqləndirmək olar. Oyunun 45+3-cü dəqiqəsində hakimi təhqir etdiyi üçün meydandan kənarlaşdırılan "Uğur"un futbolçusu Kənan Məmmədova 4 oyunluq cəza kəsilib. Matçın fasiləsində isə "Uğur"un məşqçisi Tural Salmanzadə eyni addıma əl atıb. O isə 5 oyunluq cəzalandırılıb.
U-10 Liqasının "Avey"(Ağstafa) – "Qədirli" (Tovuz) qarşılaşmasında ikincilərin heyətində lisenziyası olmayan futbolçu iştirak edib və bu səbəbdən komandaya 0:3 hesablı texniki məğlubiyyət verilib.