23 İyul 2022, 16:24
DİGƏR

Sablya üzrə qadınlardan ibarət milli komandamız Misirin paytaxtı Qahirə şəhərində keçirilən dünya çempionatında 6-cı olub. Matc.az xəbər verir ki, bu gün Misirin paytaxtı Qahirə şəhərində keçirilən qılıncoynatma üzrə dünya çempionatına yekun vurulub.
 
Son yarış günündə qadın sablyaçıların komanda yarışında ən güclü 8-liyə yüksələn Anna Başta, Sevil Bünyatova, Səbinə Kərimova və Valeriya Bolşakovadan ibarət kollektiv yarımfinala yüksəlmək uğrunda Fransa millisi ilə qarşılaşıb.
 
Rəqibinə 25:45 hesabı ilə məğlub olan yığmamız 5-8-ci yerlər uğrunda keçirilən görüşlərdə ABŞ seçmə kollektivinə 45:37 hesabı ilə qalib gəlsə də, növbəti qarşılaşmada Almaniya sablyaçılarına 41:45 hesabı ilə uduzub.
 
Komandamız ümumi sıralamada 6-cı olub.
 
Xatırladaq ki, daha öncə Anna Başta qadın sablyaçıların şəxsi yarışında dünya çempionatının gümüş medalını qazanıb.

XƏBƏRİ PAYLAŞ
  • gplus
  • pinterest