25 Sentyabr 2022, 20:04
DİGƏR

Gürcüstanın paytaxtı Tiflisdə təşkil olunmuş "WTT youth contender Tbilisi" turnirinə yekun vurulub. Matc.az xəbər verir ki, yarışın son günündə seçmə komandanın iki üzvü mükafatlar uğrunda mübarizə aparıb.
 
11 yaşadək tennisçilərin turnirində etimadı layiqincə doğruldan Yağmur Məmmədli bütün rəqiblərini üstələyərək yarışın baş mükafatını qazanıb.
 
15 yaşadək idmançıların turnirindəki tennisçimiz Mərziyyə Nurmətova isə gərgin mübarizə ilə yadda qalan final görüşündə iranlı rəqibinə 2:3 hesabı ilə uduzaraq 2-ci yerlə kifayətlənib.
 
Xatırladaq ki, yarışın əvvəlki günlərində Aylin Əsgərova, Adil Əhmədzadə və Onur Quluzadə 3-cü yeri tutmuşdu.
 
Beləliklə, yeniyetmələrdən ibarət Azərbaycan seçmə komandası 18 ölkə idmançılarının qatıldığı turniri 5 mükafatla başa vurub.

XƏBƏRİ PAYLAŞ
  • gplus
  • pinterest