13 Noyabr 2022, 13:49
DİGƏR

Dekabrın 2-3-də Portuqaliyanın Albufeira şəhərində Avropa Gimnastikasının 29-cu konqresi təşkil olunacaq. Matc.az Azərbaycan Gimnastika Federasiyasına (AGF) istinadən xəbər verir ki, konqres çərçivəsində qurumun rəhbərliyi, texniki komitələri və komissiyalarına seçkilər baş tutacaq.
 
AGF tərəfindən Yevgeniya Vilyayevanın bədii gimnastika, Ruslan Eyvazovun gimnastika hamı üçün, İnara İsrafilbəyovanın isə "TeamGym" idman növü üzrə Avropa Gimnastikasının texniki komitələrinin üzvlüyünə namizədlikləri irəli sürülüb.
 
Qeyd edək ki, ötən il AGF-in idman direktoru Natalya Bulanova Beynəlxalq Gimnastika Federasiyasının (FIG) bədii gimnastika üzrə Texniki Komitəsinə, bədii gimnastika üzrə Azərbaycan yığma komandasının məşqçisi Siyana Vasileva isə Atletlər Komissiyasına üzv seçiliblər.

XƏBƏRİ PAYLAŞ
  • gplus
  • pinterest