Uesli Sneyder boşanmağa hazırlaşır. Matc.az saytının məlumatına görə, bu barədə Hollandiyanın "NU" nəşri xəbər yayıb.

Hazırda karyerasını Qətərin "Al-Qrafa" klubunda davam etdirən təcrübəli oyunçu model, aktrisa və tele-aparıcı olan həyat yoldaşı Yolante Kabau ilə ayrılmağa qərar verib.

Cütlük 2010-cu ildə rəsmi olaraq evlənmişdi.

Hazırda bir uşaq sahibi olan Yolante və Ueslinin ötən sentyabr ayında övladlığa uşaq götürmək istədikləri haqqında xəbər yayılmışdı.

Qeyd edək ki, Sneyder "Qalatasaray"da çıxış edərkən yerli azarkeşlərin böyük marağına səbəb olan Yolanteyə tərəfdarlar "yengə" ləqəbi vermişdilər. Xüsusilə açıq-saçıq fotoları ilə məşhur olan Kabau bir müddət türk televiziyalarında verilişlərdə də iştirak etmişdi.