Çexiya millisinin futbolçusu Patrik Şik Avropa çempionatının qrup mərhələsinin III turunun oyununda meydana çıxa bilməyəcək.

Matc.az “LEquipe”yə istinadən xəbər verir ki, 28 yaşlı hücumçu zədə səbəbindən Türkiyə ilə qarşılaşmanı buraxacaq.

Gürcüstanla matçda (1:1) komandasının yeganə qoluna imza atan "Bayer 04"ün forvardı həmin görüşdə zədələnib.

Qeyd edək ki, Çexiya - Türkiyə oyunu iyunun 26-da, saat 23:00-da start götürəcək.