Portuqaliya millisinin kapitanı və hücumçusu Kriştiano Ronaldo sosial şəbəkədə millinin 2024-cü il Avropa çempionatının qrup mərhələsinin Gürcüstanla final oyunu öncəsi məşqindən foto paylaşıb.

Matc.az xəbər verir ki, Ronaldo şəklin altında “Tam gücümüzlə işləyirik!” sözlərini yazıb.

Xatırladaq ki, Gürcüstan və Portuqaliya milli komandaları arasında 2024-cü il Avropa çempionatının qrup mərhələsinin 3-cü turunun oyunu Gelzenkirxendəki (Almaniya) “Veltins Arena” stadionunda keçiriləcək. Qarşılaşmanı Sandro Şererin (Buttikon, İsveçrə) rəhbərlik etdiyi hakimlər briqadası idarə edəcək. Oyunun başlaması üçün start fiti saat 23:00-da səslənəcək.