İtaliya millisinin və PSJ-nin qapıçısı Canluici Donnarumma Avropa çempionatının mütləq rekorduna imza atıb.

Matc.az “One Football”a istinadən xəbər verir ki, Donnarumma Avropa çempionatında 10 matçlıq mərhələyə çatan ən gənc qapıçı olub.

Dünən Xorvatiya ilə matçda (1:1) "Skuadra Adzurra"nın qapıçısı 25 yaş 120-ci günündə olub.

Bundan əlavə, Donnarumma qaytarılan penaltilərin sayına görə İtaliya millisinin tarixində ikinci yeri tutub. O, 11 metrlik 15 zərbədən 5-ni qapısına qaytarıb (penaltilər seriyası istisna olmaqla). Yalnız onun əfsanəvi adaşı Buffonda daha çox (49-dan 11-i) penalti qaytarıb.

Xatırladaq ki, İtaliya B qrupunda ikinci yeri tutaraq AVRO-2024-ün pley-off mərhələsinə vəsiqə qazanıb.