Gürcüstan millisinin qapıçısı Giorgi Mamardaşvili Avropa çempionatının qrup mərhələsində seyvlərin sayına görə rekordu təkrarlayıb.

Matc.az xəbər verir ki, bu barədə məlumatı “Opta Sports” paylaşıb.

Qapıçı üç oyunda 21 seyv edib və bununla da 2004-cü il qitə çempionatında latviyalı Aleksandr Kolinkonun qrupdakı nəticəsini təkrarlayıb.

Həmçinin, Mamardaşvili “xG”yə (qol gözləntisi) görə 3,6 qola keçid verməyib. Bu, 21-ci əsrdə qrup mərhələsinin rekordudur.