Avropa çempionatları tarixində ən sürətli beş qoldan üçü Almaniyada keçirilən AVRO-2024-ün qrup mərhələsində vurulub. Matc.az xəbər verir ki, III turda Portuqaliya ilə görüşdə fərqlənən Gürcüstan millisinin hücumçusu Xviça Kvaratsxeliya bütün zamanların ən sürətli beşinci qolunun müəllifi olub.

O, rəqibi 94 saniyədə mərkəzə dəvət edib. Bundan əvvəl Almaniyadakı turnirdə albaniyalı Nedim Bayrami İtaliya ilə qarşılaşmanın 23-cü saniyədə rəqibi məyus edərək, Avropa çempionatları tarixinin ən sürətli qolunu vurmuşdu. Hazırda davam edən qitə birinciliyində üçüncü ən sürətli qol Rumıniya ilə matçın 73-cü saniyəsində fərqlənən belçikalı yarımmüdafiəçi Yuri Tielemansın aktivindədi.

Qeyd edək ki, Portuqaliyanı 2:0 hesabı ilə məğlub edən Gürcüstan yığması 1/8 finalda İspaniyaya rəqib olub.