İsveçrə millisinin baş məşqçisi Murat Yakın Almaniyada keçirilən Avropa çempionatının 1/8 final mərhələsində İtaliya ilə oyunöncəsi fikirlərini bölüşüb. Matc.az xəbər verir ki, mütəxəssis komandasının üstün tərəflərindən danışıb.

O, azarkeş amilini xüsusi vurğulayıb: “Yüksək intensivlik və qaçmaq istəyi bizi güclü rəqib etdi. Sistemimiz, strategiyamız işləyir, sürpriz elementimiz və gözəl azarkeşlərimiz var. Azarkeşlərimiz açıq-aşkar azlıq təşkil etdikləri Almaniya ilə matçda belə, çox səs-küylü idilər. Onların 90 dəqiqə ərzində bizi dəstəkləmələri çox gözəl idi”.

Qeyd edək ki, İsveçrə - İtaliya oyunu sabah keçiriləcək.