İsveçrə millisi İtaliya yığmasının nümayəndələrinin 1/8 finalda baş tutacaq qarşılaşma öncəsi onun məşqinə baxa bilməmələri üçün Ştutqartda yerləşən 217 metrlik televiziya qülləsinin müşahidə göyərtəsini bağlamağı xahiş edib.

Matc.az xəbər verir ki, bu barədə məlumatı “Sky Sport Italia” paylaşıb.

Bildirilir ki, televiziya qülləsinin müşahidə göyərtəsindən İsveçrə millisinin təlim-məşq bazası aydın görünür. İsveçrəlilər italyanların onların taktiki oyun planından xəbərdar ola biləcəyindən ehtiyat edir.

Xatırladaq ki, İsveçrə - İtaliya matçı iyunun 29-da keçiriləcək. Oyun Berlindəki Olimpiya Stadionunda baş tutacaq. Görüşün baş hakimi qismində polşalı Şimon Marçiniak çıxış edəcək.