İngiltərə millisinin hücumçusu və kapitanı Harri Keyn 2024-cü il Avropa çempionatının 1/8 final mərhələsinin Slovakiya ilə keçiriləcək oyunu haqda açıqlama verib.

Matc.az xəbər verir ki, o, bu barədə UEFA-nın mətbuat xidmətinə danışıb.

“Biz onların necə təhlükə yaratdığını və oynamaq istədiklərini bilirik. Əminəm ki, onlar da bizim kimi meydana çıxıb qələbəyə can atacaqlar. Onların bir neçə əla oyunçuları var. Onlar yüksək intensivliklə pressinq edib rəqibi çətinə salmağı, sonra isə orta xəttdən ötürmə və oyuna nəzarət etməyi xoşlayırlar. İstədiyimiz nəticəni əldə etməyə qadirik, amma bilirik ki, buna nail olmaq üçün əlimizdən gələni etməliyik”.

Biz öz tərəfimizdən oyun boyu davam edəcək ən yaxşı strategiyanı tapmağa çalışırıq. Təbii ki, qol vurub qalib gəlmək istəyirik”.

Xatırladaq ki, İngiltərə - Slovakiya oyunu bu gün Gelzenkirxendəki "Veltins Arena" stadionunda baş tutacaq. Görüşün baş hakimi qismində türkiyəli Halil Meler çıxış edəcək.