İspaniya millisinin müdafiəçisi Robin Le Normant AVRO-2024-ün 1/8 final mərhələsində Gürcüstanla oyunda avtoqol müəllifi olub. Matc.az xəbər verir ki, tezliklə “Atletiko”ya keçəcək futbolçu 18-ci dəqiqədə topu Unai Simonun qapısına göndərib.

Bu, Almaniyada keçirilən Avropa çempionatında 8-ci avtoqoldu. Ondan əvvəl Klaus Qyasula (Albaniya), Antonio Rudiger (Almaniya), Maksimilian Veber, Donyell Malen (hər ikisi Avstriya), Robin Qranak (Çexiya), Rikkardo Kalafiori (İtaliya) və Samet Akaydın (Türkiyə) avtoqolla yadda qalıblar.

AVRO-2024-də bombardirlik yarışına başçılıq edən Camal Musiala, Georges Mikautadze və İvan Şrantsın isə hərəsinin aktivində 3 qol var.