Slovakiya millisinin müdafiəçisi Milan Şkrinyar İngiltərəyə qarşı keçirilən AVRO-2024-ün 1/8 final oyunu barədə fikirlərini bölüşüb. Matc.az xəbər verir ki, ulduz futbolçu 1:2 hesablı qələbəyə məyusluq keçirdiklərini bildirib.

O, qələbəni son anda əldən verdiklərini vurğulayıb: “Söz tapmaq çətindi, hamımız çox məyusuq. Daha irəli getməyə çox yaxın idik. İngiltərə klass komandadı. Bellinqemin qolu anidən ortaya çıxdı. Təəssüf ki, son anda qol buraxdıq. Yəqin ki, qalib gəlməyimizə 30 saniyə qalmışdı. Amma bütün komandamızla fəxr edirəm. Möhtəşəm səyahət oldu. Slovakiyanın tarixini yenidən yazmağa hazır idik, ancaq hər şey başqa cür oldu. Ümid edirəm ki, daha güclü qayıdacağıq”.

Qeyd edək ki, son dəqiqələrdə məğlubiyyətdən qurtulan İngiltərə yığması əlavə edilmiş dəqiqələrdə qələbə qolunu vurub.