“Daha yaxşı oynamaq və gözəl futbol göstərmək istəyirik”. Matc.az xəbər verir ki, bunu İngiltərə yığmasının hücumçusu Harri Keyn AVRO-2024-ün 1/8 final mərhələsində Slovakiya ilə keçirilən oyun barədə danışarkən deyib.

Ulduz futbolçu 2:1 hesabı ilə qalib gəldikləri qarşılaşmanı dəyərləndirib: “Bu, karyeramdakı ən gözəl qələbələrdən biridi. Qol vurmaq fantastik idi. Heyrətamiz hissdi və ümid edirəm ki, bu enerjimizi 1/4 finalda da davam etdirə bilərik. Qələbə naminə sona qədər getməyə hazır olan komandayıq. Ən yaxşı performansımız deyildi”.

Keyn görüşdə bərabərlik qolunu vuran Cud Bellinqem barədə də xoş fikirlər səsləndirib: “Cud böyük anları sevir. Əgər qolu mən vurmasaydım, əminəm ki, Bellinqem bunu edəcəkdi. O, məndən qat-qat çox çevikliyə malikdi”.

Qeyd edək ki, İngiltərə 1/4 finalda İsveçrə ilə qarşılaşacaq. Görüş iyulun 6-da Düsseldorfda keçiriləcək.